Sëni dla crëusc
Tl inuem dl Pere y dl Fi y dl Spirt Sant. Amen.
Gloria al Pere
Gloria al Pere y al Fi y al Spirt Sant,
coche l fova,
coche l ie śën y sarà
per duta l’eternità. Amen.
Anmaria
Ave Maria,
plëina de grazia,
l Seniëur ie cun té,
tu ies benedida danter l’ëiles
y benedì ie l frut de ti grëm, Gejù.
Santa Maria, Oma de Die,
prëia per nëus piciadëures,
śën y en pont de nosta mort.
Amen.
Paternoster
Pere nost,
che t’ies tl ciel,
l sibe santificà ti inuem,
l vënie ti rëni,
ti ulentà sibe fata
sciche tl ciel nsci sun la tiera.
Danes ncuei nosc pan da uni di
y lascenes do nosc debit,
coche nëus l lascion do
a nosc debitëures
y no nes mené tla tentazion,
ma delibrenes dal mel.
Tie ie l rëni y tia ie la putënza
y la gloria ti seculi. Amen
Pater Noster
Nosc Pere sö al Cil,
al sides santifiché to inom,
al vëgnes to rëgn,
tüa orentè sides fata,
sciöche sö al Cil insciö söla tera.
Dasse incö nosc pan da vignidé,
pordona a nos nüsc pićià.
sciöche nos pordenun a chi che s’à ofenü,
y no se menè tla tentaziun,
mo delibrëiesse dal mal.
To é le rëgn, tüa é la potënza
y la gloria por dagnora. Amen
Salve, Regina
Salve, Regina,
Oma de misericordia,
nosta vita, nosta bontà y speranza: nëus te saludon.
Da té unions nëus puere fions d’Eva.
Té te cherdons en aiut te chësta val de legrimes.
O bona Oma, cëla de nëus te ti misericordia
y, do chësta vita, mostrenes Gejù,
l frut benedì de ti grëm.
O bona, o fedela, o santa Vergin Maria!